16ê êlule de dima ke cinîya kurde Jîna Emînî hetê polîsanê exlaqî yê Îranî ra amebî qetilkerdene Îran û Rojhelatê Kurdistanî de çalakîyê şarî dest pêkerdî û hema zî dewam kenê. Çalakîyanê şarî de hêzê rejîmî pê çekan hêrişê şarî keno û netîceyê nê hêrişan de qetlîyam, birîndarkerdiş, destbendkerdiş û tepiştişî virazîyenî. Ciwanê ke yenê tepiştiş zî bi daliqnayîşî yenê muhakemekerdiş û hetê rejîmî ra yenê daliqnayîş. Serewedarnayîşê Îran û Rojhelatê Kurdistanî her ke şino gur beno û dewam keno. Serewedarnayîşî de heta nika 500 kesî ameyî kiştiş û nizdîyê 2 hezar kesî de ametî tepiştiş.
Hêzê rejîmê Komara Îslamî yê Îranî no serê sibayî Muhamed Mehdî Karamî û Seyîd Muhemed Huseyînî ke bi bahaneyê tewrê çalakîyanê Îran û Rojhelatî bîyî, înan daliqna.
Badê serewedarnayîşê Îran û Rojhelatê Kurdistanî ke badê qetilkerdişê cinîya kurde Jîna Emînîye dest pêkerdî de heta ika 4 kesî ameyî daliqnayîş. Rejîmê Îranî verê nika zî Muhsîn Şikarî, Mecîd Riza Rehnewerdî daliqnabî.
