Rêveberê Bajar ê HDP’ê yê Amedê Âlî Îhsan Karahan, di derketina bînaya HDP’ê de ji aliyê polisan ve hat binçavkirin. Li aliyê din rêveberê HDP’ê yê Amedê Şeyhmus Şenyîgît û kesekî din bi îdîaya “Endamtiya rêxistinê” hatin girtin
Rêbeveberê Bajar ê Partiya Demokratîk a Gelan (HDP) ê Amedê Âlî Îhsan Karahan, duh di saetên êvarê de dema ku ji avahiya HDP’ê ya Amedê derdiket, di derketina bînayê de ji aliyê polisan ve hat binçavkirin. Karahanê ku sedema binçavkirina wî nayê zanîn birin Miduriyeta Polisan a Amedê.
Her wiha li gundê navenda Amedê ku di 27’ê îlonê de leşkeran bi ser malan de girtibû û Reveberê HDP yê Amedê Şeyhmus Şenyîgît û Yilmaz ê paşnavê wî nehat zanîn hatin binçavkirin. 2 kesên hatin binçavkirin birin Fermandariya Cendirmeyan a Lîcê. 2 kesên îfadeya wan hatin girtin sewqî dadgehê kirin. Heyeta dadgehê jî bi îdîaya “Endamtiya rêxistinê” der barê Şenyîgît û Yilmaz de biryara girtinê da û ew şandin Girtîgeha Tîpa D a Amedê. AMED
