Desthilata faşîst a AKP-MHP’ê bi darbeya qeyûmê şardariya Colemêrgê dagir kir. Li dijî darbeya qeyûmê kurdistan û dostên wan daketin qadan û dest bi nobetê kirin. Li dijî darbeya qeyûmê îro li otogara Colemêrgê bi dirûşma “Şaredarî yên me ne, em ê destûrê nedin desteserkirinê” mîtîng were lidarxistin. Kurdistanî û dostên wan ji bo beşdarî mîtîngê bibin ji çar hêlên bakurê Kurdistanê ber bi Colemêrgê ve bi rê ketin.
Welatiyên Amed û Êlihê yên ku dixwazin tev li mitînga Colemêrgê ya li dijî tayînkirina qeyûm bi pêşengtiya DEM Partiyê tê lidarxistin bibin, bi otobûsan ketin rê. Welatiyên li navend û 13 navçeyan li pêşiya şaredariyan hatin gel hev, bi dirûşma “Colemêrg a me ye şaredarî ya me ye” û tililiyan hatin oxirkirin.
Girseya li pêşiya Şaredariya Êlihê nobet digirt jî bi dirûşma “Colemêrg a me ye” ber bi Colemêrgê ve bi rê ketin.
