Navenda Nûçeyan |
Beriya çend rojan der barê peymaneke di navbera rejîma Esed û Israîlê de hin nûçe hatin belavkirin. Li gorî van nûçeyên ku li ser malperên civakî hatin belavkirin, dê rejîma Esed jineke israîlî ya li Sûriyeyê girtî ye serbest berde û li beramberî wê dê Israîl derziyên vîrûsa koronayê bide rejîma Esed.
Piştî nûçeyên li ser vê peymanê niha jî nûçeyek hat belavkirin ku Beşar Esed û hevjîna xwe Esma Esed bi nexweşiya koronayê ketine. Li gorî ajansa fermî ya dewleta Sûriyeyê testa her duyan jî pozîtîf derketiye her wiha li gorî ajansa fermî ya dewletê rewşa wan baş e û dê 2-3 hefteyan di karantînayê de bimînin. Lê hin çavkanî îdia dikin ku rewşa her duyan jî gelek xirab bûye û ew ji bo dermankirinê birine Rûsyayê. Çavkanî: Rojnameya Xwebûnê
