Nasir Yagizê li dijî tecrîdkirina Rêberê Gelê Kurd Abdullah Ocalan ev 96 rojin di çalakiya greva birçîbûnê ya bêdem û bêdorvegerê de ye tenduristiya wî nebaş bû ye
Ji bo bidawîbûna tecrîdkirina Rêberê Gelê Kurd Abdullah Ocalan, endamê HDP’ê Nasir Yagiz 96 roj in li Hewlêrê di greva birçîbûnê de ye. Tevî ku rewşa wî ya tenduristiyê roj bi roj nebaş dibe, çalakiya xwe bi biryardarî didomîne.
Dr. Durê Mihemed Uren diyar kir ku xwîna li nava rehên Yagiz êdî bi giranî diherike û wiha got: “Ji ber ku çavên wî zehîf bûne, nikare baş bibîne. Serêşî û êşa mîdeyê lê giran bûye.”
Dr. Durê Mihemed Uren anî ziman ku Yagiz 14 kîlo li xwe kêm kiriye û ev agahî parve kir: “Yagiz naxwaze bê dermankirin. Tenduristiya wî roj bi roj nebaş dibe. Gelekî kîlo li xwe kêm dike, di tansiyon, liv û tevgerê de, her wiha di çavên wî de pirsgirêkên cidî rû dane.” HEWLÊR
