Rewşa tayê hepsîyanê Zîndanê Tîpa Tyî yê Hûmara 1î yê Tarsûsî de yê û tarîxanê cîyayan de kewtê grevê vêşanîye ver bi xirabîye şino
Rewşa xoverdayoxê ke semedê wedartişê tecrîdê serê Rayberê PKKyî Abdullah Ocalanî Zîndanê Tîpa Tyî yê Hûmara 1î yê Tarsûsî de kewtê grevê vêşanîye, her ke şona xirab bena. Eynî wextî de ame zanayene selahîyetdarê zîndanî îhtîyacîyanê xoverdayoxan bica nêanê.
Nê zîndanî de Halef Yîgît û Mûrat Karaaslan 5ê Çeleyî de, Erkan Taşkan, Veysî Denîzhan û Îhsan Taşdelen zî 12ê Çeleyî de kewtî grevê vêşanîye yê bêdem û bêagêrayîşî. Yîgîtî vizêr bi rayîrê telefonî keyeyê xo reyde qisey kerd û ard ziwan ke rewşa weşîye ya kesanê ke grevê vêşanîye de yê ver bi xirabîye şona.
Yîgîtî keyeyê xo ra vat zinca Taşkanî ra gonî yena û dewxa ci şina, dest û wucûdê Taşkanî de masayîş virazîyayo, çimê Denîzhanî de vînayîş bîyo kemî, madeyê Karaaslanî ra zî gonî yena û kîşta dejê madeyî de çimê ê zî dejenê. Yîgîtî keyeyê xo ra vat grevkerdoxanê bînan de zî problemê sey dewxeşîyayîşî, viritişî û bêhewnîye estê. Yîgîtî bi rayîrê keyeyê xo veng da rayapêroyîye û vat ‘Veng bidê vengê ma.’ AMED
