Rewşa tenduristiyê ya Nasir Yagiz her ku diçe xerabtir dibe. Yagiz ku nikare rakeve, êşa serê wî zêde bûye û avê jî êdî bi zehmetî vedixwe
Greva birçîbûnê ya bêdem û bêdorveger a endamê HDP’ê Nasir Yagiz ku li nûnertiya HDP’ê ya Hewlêrê daye destpêkirin, di roja 89’emîn de berdewam dike. Rewşa Yagiz her ku diçe zerabtir dibe û tenduristiya wî di astekî nebaş de ye û laşê wî dilerize.
Çalakvan Nasir Yagiz danê sibehê nikare rabe, bêhal bûye û nikare çongên xwe jî bikişîne ber xwe. Her wiha Yagiz li hemberî deng û ronahiyê jî gelek hesas bûye. Dilê Yagiz, geh zêde lê dide û geh jî kêm. Yagiz êdî hatiye ber rewşeke wiha bi zorê dikare avê vexwe. Piranî nema dikare rakeve û êşa wî ya serî lê giran bûye.
Her wiha dîsa dema av, an cureyên vexwartekan vedixwe, mehdê wî dixele vedireşe. Her wiha ji rewşên berê cudatir êdî laşê wî dilerize, nikare xwe bigire. Ji her alî ve di aliyê fizîkî û tenduristiyê de rewşa Yagiz êdî giran dibe.
Li aliyê din, greva birçîbûnê ya li Wargeha Penaberan a Şehîd Rûstem Cûdî-Mexmûrê jî bi koma 22’yan dewam dike. Greva birçîbûnê ya bêdem û bêdorveger a endama Koordînasyona Meclisa Îştarê Fedîle Tok jî di roja 29’emîn de ye. Tok bi biryardarî çalakiya xwe didomîne. HEWLÊR
