Rewşenbîr û nivîskarên başûrê Kurdistanê li dijî êrîşên dagirkeriyê yên dewleta tirk ku li ser xaka başûrê Kurdistanê didomine, kampanyaya îmzeyan da destpêkirin. Heta niha li welat û derveyî welat bi sedan rewşenbîr û nivîskarên kurd kampanya îmze kiriye
Komeke rewşenbîrên başûrê Kurdistanê ku di nava wan de Ebdullah Mela Nûrî, Şêrko Heme Emîn, Hewjîn Mela Emîn, Umît Qeredaxî û Şoreş Xidir jî hene, bi armanca şermezarkirina êrîşên dagirkeriyê yên dewleta tirk ên li ser başûrê Kurdistanê, kampanyaya îmzeyan da destpêkirin.
Kampanya di 20’ê hezîranê de bi rêya înternet û telefonê hatiye destpêkirin. Li gorî zanyariyên ku Umît Qeredaxî dane, heta niha ji çar parçeyên Kurdistanê û derveyî welat bi sedan rewşenbîr, nivîskar û siyasetmedar tev li kampanyayê bûne.
Îmzeyên ku tên komkirin dê bi daxuyaniyekê ji raya giştî bên aşkerakirin û piştre pêşkêşî parlamentoya Iraqê, parlamentoya Herêma Federal a Kurdistanê, nûnertiya Neteweyên Yekbûyî (NY) û rêxistinên mafên mirovan bên kirin. Roja aşkerakirina encamên kampanyayê hîn nehatiye diyarkirin.
Ji bo tevlêbûna kampanyayê hejmarên telefon û navnîşanên înternetê hatine diyarkirin. Kesên ku dixwazin tev li kampanyayê bibin, dikarin bi rêya van telefon û adresên emaîlan tev li bibin.
Telefon:
00964 770 144 67 45
00964 770 157 16 48
Emaîl:
