Rêxistina Partîya Demokratîke ya Şaran (HDP) ya Çewlîgî hêrişê vera partîya ci û tecrîdê Îmrali protesto kerd. Eşkerayîya ke verê banê partîye de ameye kerdene Wekîlê HDPyî yê Çewlîgî Erdal Aydemîrî zî tewrê ci bi. Eşkerayîye de pankartê ”tecrîd sucê merdimîye yo tecrîdî biqedînê” ameye akerdene. Aydemîrî ke tîya qisey vist virî ke hukmat wazeno ke HDPyî biqefilno û vat peyê HDPyî de îradeyê 6 mîlyonan esto. Aydemîr vera na bêhuqûqîye hêrsê xo ard ziwan û vat ê se kenê wa bikerê HDP pê pîlbîyayîşî rayîrê xo rê dewam keno.
Aydemîrî bale ant grevê vêşanîye yê tepiştayan ser ke vera tecrîdê serê Rayberê Şarê Kurdî Abdullah Ocalanî yeno kerdene û waşt ke wa qanûn seba tepişteyan bêro caardene. Aydemîrî vat ê zext, şîdet û îşkenceyo ke Îmrali û zîndananê bînan de yono caardene qebul nêkenê. ÇEWLÎG
