Komaleyê elewîyan Leyla Guvena 167 rojî yo grevê vêşanîye de ya zîyaret kerdî. Serekê Pêroyî yê PSAKDî Ganî Kaplanî dîyar kerd ke asayîşê canê hepsîyan binê kontrolê dewlete de yo û wina va: “Ganî pêvînayîşê tu hepsîyêko sîyasî nêro astengkerdene û qedexekerdene.”
Serekê Pêroyî yê Komeleya Kulturê Pîr Sultan Abdalî (PSAKD) Ganî Kaplan, Serekê Pêroyî yê Federasyonê Elewî Bektaşî (ABF) Muslum Metîn, Serekê Pêroyî yê Komeleya Kulturê Elewî Dogan Demîr, Serekê Pêroyî yê Federasyonê Komeleyanê Elewîyan Celal Firat, Hemserekê Komeleya Elewêyê Demokratîke (DAD) Musa Kulu, Sekreterê Rêxistinbîyayîşê Federasyonê Elewî Bektaşî Zeynel Odabaş û Parlementê Partîya Demokratîke ya Şaran (HDP) yê Stenbolî Zeynel Doganî seba pêvînayîş bikerî, ameyî Amed û Keyeyê Kultur û Cemî yê Pîr Sûltan Abdalî zîyaret kerdî.
Heyetê elewîyan Hemsereka Kongreya Komela Demokratîke (KCD) ya verên û Parlementera Partîya Demokratîke ya Şaran (HDP) ya Colemêrgî ya verên Leyla Guvena ke seba wedarnayîşê tecrîdê serê rayberê PKKyî Abdullah Ocalanî 167 roja yo grevê vêşanîye de ya zîyaret kerdî. Hemserekê KCDyî Berdan Ozturk û Parlementerê HDPyî yê Amedî Mûsa Farisogullariyî heyet reyde şîyî zîyaretê Guvene.
Heyet badê zîyaretî eşkerayîyêk da çapemenî. AMED
