Selahîyetdaranê weşîye yê Fîlîpînî pare kerd ke hewelatîyêkê Çînî yê 44 serrî janê 2019-nCoVî ra wefat kerd. Ame îfadekerdene ke keso ke wefat kerd şaristanê Wuhanî ra bi ke vîrus tede vejîya.
Teberê Çînî de nêzdîyê 130 kesî 20 welatan de bi vîrusî kewtî. Reya verên a ke kesêk teberê Çînî de vîrusî ra wefat keno.
Çîn de 45 kesa vîrusê Korona ra wefat kerd. Goreyê Komîsyona Weşîye ya Neteweyîye ya Çînî welat de 304 kesan vîrusî ra wefat kerd.
Çîn de heta 1ê sibate bi temamî 14 hezar û 380 kesan de vîrus ame tesbîtkerdene. Goreyê bînroje 2 hezar û 590 kesê bînî bi vîrus kewtî.
Wîlayetê Hubei yo ke şaristanê Wuhanî zî tede yo binê karantîna de yo. Nêzdîyê 50 mîlyon merdimî herême de binê karantîna de yê.
Rêxistina Weşîye ya Dinya (WHO) roja pancşemeyî seba weşîya rayaumûmîye warê mîyanneteweyî de rewşa lezabeze îlan kerdbi.
