Rihaya ke cîranê Vakur û Rojakewtena Sûrîye ya, de ewro polîsan operasyonî kerdî. Xeylî kesê ke tede wendekarî, endamê sendîkayan, sîyasetmedarî estî ameyî tepiştene
Merkezê Riha û qezayanê ci de polîsan ewro serê sibayî operasyonî kerdî. Operasyonan de tewr tay 31 kesê ke tede sîsayetmedarê HDPyî, endamê meclîsê şaredarîyan, xebatkarê şaredarîye û endamê sendîkayan estî, ameyî tepiştene. Nêame zanayene ke sedemê operasyonî çi yo.
Kesê ke ameyî tepiştene, ameyî berdene bi Mudirîyetê Asayîşî yê Şaristanî û yena pawitene ke hûmara tepiştene bena ke biba zêdêr.
Sereştişanê keyeyan ê merkezê şaristanî de Hemsereka Şubeyê Egîtîm-Senî ya Riha Leyla Mumîne, îdarekarê Sendîkaya Kedkaranê Xizmetê Sosyal û Weşîye (SES) Hîkmet Evîn, endamê Meclîsê Ciwanan yê Partîya Demokratîke ya Şaran (HDP) Ferît Tamga û Songul Arpa, Serhat Ogur, Asil Turk, Necmettîn Orak, Talîp Bozkaya, Zubeyde Duvar, Tugba Başkale, Muzaffer Çakmak, Omer Bozdal ve Ozgurcan Altıngul, Sevgi Bulture, Namzetê Hemserekîye yê Şaredarîya Hîlvanî Bişar Tuysuz û wendekarê Zanîngehê Harranî Onur Atli ameyî tepiştene.
Sereştişê qezayan de nameyê kesanê ke ameyî tepiştene wina yê: Bêrecug: Endamê Meclîsê Şaredarîye Halîl Sarikaya û hemwelatijê bi nameyê Mahmut Korkmazer. Xalfetî: Hemserekê Şaristanî yê HDPyî Abdurrahman Çîftçî, endamê Meclîsê Şaredarîye Naîme Bayram. Pirsus: Endamê HDPyî Ahmet Yenîlmez, xebatkarê şaredarîye Mehmet Tugalan, Mûstafa Gunduzalp û V.A., M.G. Wêranşar: Endamê Meclîsê Şaredarîye Kemal Kudîn, Burhan Goren, Fatma Sîlgîre. Serêkanîye: Fatma Aslane, Şeyhmûs Dagtekîn. Girê Sor: Mehmet Kultur. RIHA
