Li Kerkûkê Rêxistina Jinên Azadîxwaz ên Kurdistanê (RJAK) banga rawestandina xwekuştin û kuştina jinan kir û daxwaza helwestê kir
Li Kerkûkê Rêxistina Jinên Azadîxwaz ên Kurdistanê (RJAK) li dijî kuştina jinan û xwekuştina jinan daxuyanî da.
Endama Desteya Rêveberiya RJAK’ê Dilvan Ekrem daxuyanî xwend.
Di daxuyaniya RJAK’ê de ev tişt hat gotin: “Di destpêka sala 2020’an de li Herêma Kurdistanê û Iraqê hejmarek jinan xwekuştiye, yan xwe şewitandine. Hefteya borî jî li taxa Şorecî ya Kerkûkê jinek temen 40-45 salî bi kuştî hate dîtin. Her wiha li Ranyayê du jin û li Çemçemalê jî jinekê xwe kuştin.
Em weke RJAK’ê li hemberî xwekuştin û xweşewitandinê de bêdeng nabîn. Em ê çalakî û têkoşîna xwe berdewam bikin. Em ê çalakiyên xwe yên ji bo şiyarkirin û rêxistinkirina jinan berdewam bikin da ku bigihîn mafên xwe. Daxwazê ji parlamenteran dikin ku mîna rêxistinên jinan beşdarî têkoşîna li hemberî xwekuştin û xweşewitandina jinan bibin. Ew jina ku li bajarê me hatî kuştin û nasnameya wê nediyar e, lê weke jin nasnameya wê diyar e. Lewma divê yasa û polîs ji berî kuştina jinan berpirsyartî bigirin, ne ku piştî kuştinê serpereştiya dosya wan bikin.” KERKÛK
