Roja 21ê sibate pêro dinya de sey Roja Ziwanê Dayîke ya Mîyanneteweyîye yena fîrazkerdene. Grûba akîvîteyanê ziwan û kulturî Morceleyê Kirmanckî zî bi wesîleya Roja Ziwanê Dayîke ya Mîyanneteweyîye ya 21ê Sibate do Buroyê Amedî yê Weşanxaneyê Vateyî de 22ê sibate de di semîneranê kirmanckî (zazakî) serûber bikerê.
Semîneran de giranîye do bêra dayene girîngîya ziwanê dayîke û edebiyatê kirmanckî ser. Semînero yewîn hetê nuştox Haydar Diljenî ra do bêro dayene ke Gruba Xebate ya Vateyî de bi serran o ke ca gêno. Diljen do derheqê Roja Ziwanê Dayîke ya Mîyanneteweyîye de qisey bikero.
Semînero diyîn zî hetê nuştox Mehmed Selîm Uzun û nuştox, avûkat Bîlal Zîlanî ra bêro dayene. Uzun û Zîlan do qala Edebîyatê Kirmanckî yê Klasîkî bikerê û rewşa ci ya nikayêne biercnê.
Zanayîşê derheqê semînaran de wina yê:
Semînero yewîn:
Qiseykerdox: Haydar Diljen
Babete: Roja Ziwanê Dayîke ya Mîyanneteweyîye
Tarîx: 22ê Sibate 2020
Ca: Weşanxaneyê Vateyî
Saete: 13.00
Semînero diyîn:
Qiseykerdoxî: Mehmed Selîm Uzun-Bîlal Zîlan
Tarîx: 22ê Sibate 2020
Ca: Weşanxaneyê Vateyî
Saete: 15.00. AMED
