Prosesê vîrusê Korona de xeylêk cayan de berardiş vindert la dewa Zankirekî ya Xozatî de berardiş hema zî dewam kena. Nufusê dewe şenik o û şaristananê bînan ra zî çew nêno dewe. Bi nê hawayî dewijî bêrardişê xo dewam kenê. Dewe de 5 keyeyî ciwîyenê.
Dewijî Seyîd Alî û Xecê Yildiz cuya xo dwam kenê. Her serre wisar de dewe bîyêne qerebalix la emser vîrusê Korona ra merdimî nênê dewe. Xecê û Seyîd Alî seba şaristanijan qehirîyenê. Xecê Yildiz îfade kena ke domanê ci zî nêeşkîyayî bêrê dewe û a seba şaristanijan qerqilîyena. Xecê Yildiz vat: “Heq wa hetkarîya şarê ma bikero. Ma dewe de hewayê pakî gênê. Ma pê kar û gureyê xo bilîyenê. La ê merdimê bînî? Na nêweşîye vejîyaye merdimî perîşan bîyî. Keyeyê xo de yê, kar û gure çin o.” DÊRSIM
