Cinîya kurde ya Rojhelatî Mahsa Amînî waşt ke şêra zîyaretê keyeyê xo yo ke Tehranî de cuyeno. La seba ke qismêk porê aye ameyêne dîyîş hetê polîsanê exlaqî ra ameye destbendkerdiş û derbkerdiş. Amînî derbanê ke werd vera wedarîyabî nêweşxane la roja dermankerdişî ya 3. de dinyaya xo bedelnaye. Badê qetilkerdişê Amînî cinîyê îranijî vejîyayî raşteyan. Partî û rêxistinanê komelê sivîlî, aktîvîstanê sîyasî û komelkîyan ê Rojhelatê Kurdistanî venga pêro şarê Rojhelatê Kurdistanî û şaranê Îranî dabi ke vera qetilkerdişê cinîya ciwane ya kurde Mahsa Amînî grevê pêroyî bikerê.
PJAK û KODARî zî veng dabi ke ewro bi şîarê ‘Cinîye Cuye Azadîye û Şehîdî Nêmirenî’ wa her kes tewrê grevî bibo. Vengdayîşî ser o temamîya Rojhelatê Kurdistanî de grevê pêroyî dest pêkerd.
Goreyê dîmanan şaristananê Rojhelatê Kurdistanî Seqiz, Sine, Şino, Bukan û Bane de grev dest pêkerdo. Dîmenan de aseno ke dikanî anêbîyî û şar nêşîyo karî.
