Şaristanê Stockholmî yê Swêdî de serkêşîya Komalanê Azadîya Cinîyan ê Kurdîstanî (KJAR) de konferansê ”Jin, Jiyan, Azadî” ame kerdene.
Konferans de Dr. Nîda Hoşeng qisey kerd û îfade kerd ke îqtîdarê Rojhelatê Mîyanênî bi taybetî rejîmê Îranî seba berdewamîya dîktatorîyanê xo xoza û şaristananê kurdan wêran kenê. Dr. Nîda vat: ”Wêrankerdişê xoza tewr zaf cinîyan rê tesîr keno. Coka merkezê xoverdayîş û têgêrayîşê ekolojîkî de femînîstî est ê. Ewro Îran û Rojhelatê Kurdîstanî de çekuya ‘ekofemînîzm’î kewte rojdemê cinîyan. No feraset serewedaritişê ‘Jin, Jiyan, Azadî’ ra dima hîna bi xurtî vejîya vernî.”
Dima Akademîsyena Unîversîteya Cork College yê Îrlanda Dr. Rojîn Mukriyanî qisey kerd. Dr. Rojda da zanayene ke vera sîstemê netewe-dewlete ganî cinîyî yewîya xoverdayîşî xurtêr bikerê. Dr. Rojda vat: ”Qirkerdişê Jîna Emînî ra dima serewedaritişêko winayên vejîya werte ke pêro dinya qala yewî û xoverdayîşê cinîyan kena. La kerdoxanê xoverdayîşê ‘Jin, Jiyan, Azadî’ têkilîya xo hema zî bi hêz nêkerda. Eke bingeyê neteweya azade de seba çareserîye yewîye est ba sebebê pêro meseleyan yanî meseleya netewe-dewlete do bêra çareserkerdene. Tîya de paradîgmaya Abdullah Ocalanî ya serê meseleya netewe-dewlete zaf girîng a.” STOCKHOLM
