Rojnameger Azîz Oruç bi îdîayê ‘Endamtiya rêxistine’ ra ame tepiştene û erşawîya zîndan
Azîz Oruç Bazîdê Agirî de 11ê kanûne de amebi destbendkerdene û hetê Wezaretê Karanê Zereyî ra sey ‘terorîst’ amebi îlankerdene. Oruç wextêk ra dima sewqê Mehkema Cezaya Sulhî ya Bazîdî ame kerdene. Mehkeme bi îdîayê ‘endamîya rêxistine’ Oruç tepişt û erşawit zindanî.
Rojnamegerê kurdî rîyê dewayanê derheqê xo de ra 3 serran ra nata Başûrê Kurdistanî de rojnamegerîye kerdêne. Oruçî wexto ke Îranî ra şîyêne Ermenistan hetê polîsanê armenîyan ra ame destbendkerdene û maruzê şîdetî bi. Oruç dima leşkeranê Îranî rê ame teslîmkerdene û 2 rojan zî maruzê îşkenceyê înan bi. Oruç şewa 10ê kanûne de têlanê sînorî ser o ame eştene hetê sînorê Tirkîya ser. Azîz Oruçî 11ê kanûne de hetê polîsan ra ame destbendkedene. Heman roje Muhammet Îkram Muftuoglu û Hemserekê Partîya Demokratîke ya Şaran (HDP) yê Bazîdî Ekelek bi îdîayê ‘hetkarîye’ amebî tepiştene.
200 ra zêdêr rojnamegeran seba ke Oruç bêro veradayene Change.org ser o kampanyaya îmza daye destpêkerdene. AGIRÎ
