Roniştişê doza rojnameger Çetîn Kurşunî 2. Mehkemaya Cezaya Giran ya Mêrdînî de ame vînayene. Heyetê mehkema ke 3 serrî verê ceza dabî Kurşunî, wextê tewqîfkerdişê Kurşunî girewt çiman ver û qerarê tehlîyekerdişî da
Roniştişê diyîn yê doza xebatkarê rojnameyê Azadîya Welatî ke bi Qerarnameyê Hukmê Qanûnî (KHK) ameybî padayene Çetîn Kurşunî, 2. Mehkemaya Cezaya Giran ya Mêrdînî de ame vînayene. Çetîn Kurşunî 6ê sibata 2018î de qezaya Qoserî ya Mêrdînî de tewrê birayê xo Sedatî ameybî tepiştene û tewqîfkerdene.
Roniştişê doze de tewrê Kurşunî, birayê ci Sedat Kurşunî ke serbet ameyêne muhakemekerdene û avûkatê înan hadre bî. Badê pawitişê avûkatan, heyetê mehkema qerarê beraatî da Sedat Kurşunî û 3 serrî ceza da Çetîn Kurşunî. Heyetê mehkema dima ra wextê tewqîfkerdişê Çetîn Kurşunî girewt çiman ver û qerarê tehlîbîyayîşê da. MÊRDÎN
