Danişîna doza rojnameger Çetîn Kurşun li 2’yemîn Dadgeha Cezayên Giran a Mêrdînê hate dîtin. Heyeta dadgehê ku 3 sal ceza li Kurşun birî, dema girtina Kurşun li ber çav girt û biryara tehliyebûnê da
Duyemîn rûniştina doza xebatkarê rojnameya Azadiya Welat ku bi Biryarnameya Di Hukmê Qanûnê de (KHK) hatibû girtin Çetîn Kurşun, li 2’yemîn Dadgeha Cezayên Giran a Mêrdînê hate dîtin. Kurşun di 6’ê sibata sala 2018’an de bi birayê xwe Sedat Kurşun re li nevçeya Qoser a Mêrdînê hatibû binçavkirin û girtin.
Di danişîna dozê de tevî Kurşun, birayê wî Sedat Kurşun ku bi serbest dihat darizandin û parêzerê wan amade bû. Piştî parastina parêzeran, heyeta dadgehê biryara beraeta Sedat Kurşun da û 3 sal ceza li Çetîn Kurşun birî. Heyeta dadgehê piştre jî dema girtina Kurşun li ber çav girt û biryara tehliyebûna Kurşun da. MÊRDÎN
