Rojnameger û muxabîrê Ajansê Xeberan yê Dîcle (DÎHA) ke bi KHKyî ameybî padayene Meltem Oktay û Ugur Akgul serbest ameyî veradayene
Rojnameger û muxabîrê Ajansê Xeberan yê Dîcle (DÎHA) ke bi Qerarnameyê Hukmê Qanûnî (KHK) ameybî padayene Meltem Oktay û Ugur Akgulî seba ke prosesê qedexeyê tebervejîyayîşê kuçeyan yê Nisêbînî de xeberan taqîp kerdbî û 2 serr û 6 aşmî cezaya înan ameybî tesdîqkerdene, serbest ameyî veradayene.
Ugur Akgulo ke 8ê Tebaxa 2018î ra nata Zîndanê Tîpa Eyî yê Mêrdînî de tepiştebî serbest ame veradayene. Meltem Oktaya ke 2 serr û 4 aşmî ceza aye rê ameybî birnayene zî Zîndanê Cinîyan yê Gebze de tepiştebî û aye zî serbest ameye veradayene. AMED
