Nûçegihanên ajansa Mezopotamyayê (MA) Adnan Bîlen û Cemîl Ûgûr, nûçegihana JinNewsê Şehrîban Abî û rojnameger Nazan Sala bi hinceta nûçeyên avêtina welatiyan a ji helîkoptêrê çêkirine û îdiayê piştrast kiribûn bi îdiaya ‘li dijî dewletê bûyerên civakî kirine nûçe’ hatin girtin. Rojnameger li Girtîgeha Tîpa T a Wanê tên ragirtin.
Muameleya dij mirovahî û bêhiqûqiya li dijî rojnamegeran li girtîgehê jî berdewam kir.
Li gorî ku parêzerên rojnameger agahî dan; Şehrîban Abî û Nazan Sala li qawîşek ku li korîdora girtiyên edlî yên zilam dimînin bicih kirine.
Xwarin nedane wan
Rojnamegeran bi rêya parêzerên xwe ragihandin ku qawîş di nava gemarê de ye û her dever qirêj e û roja înê û şemiyê xwarin nedane wan. Parêzeran got ku li ser israra rojnamevanan xwarin dane wan û her wiha kelûpelên paqijiyê û nivîn nedane wan.
Di ketina girtîgehê de faroniyê kesk ê li ser Şehrîban Abî bi hinceta qedexe ye hat desteserkirin û jê kirin. Şehrîban Abî gotiye ku ji ber tiştek nedane wan û faroniyê wê destser kirine û bi şev kalorîferan pê naxin li wan sar e.
Lingê wê yê emeliyatkirî di xetereyê de ye
Nazan Sala a ku ji lingê xwe emeliyat bûye û platîn di lingê wê de ye jî vê mûameleya neyînî ya girtîgehê li serê bandor kiriye û hat ragihandin ku platînê di lingê wê de xetereyê li ser wê dike.
Tê payîn parêzer îro bi muwekîlên xwe Adnan Bîlen û Cemîl Ûgûr re hevdîtinê pêk bînin. WAN
