Navenda Nûçeyan |
Di 12’yê sibatê de di çarçoveya kampanyaya ‘Azadiya Ocalan’ de li gelek welaten Ewropayê, bi wesîleya 23’yemîn salvegera komploya navneteweyî ya li ser Rêberê PKK’ê Abdullah Ocalan bi navê ‘Meşa Dirêj’ meş hatin lidarxistin. Di van meşan de komploya 15’ê Sibatê hat şermezarkirin û daxwaza azadiya Ocalan hat kirin. Rojnameya La Marseillaise ya li Fransayê weşanê dike, bi sernavê ‘Martiguesê ber bi Marseilleyê bi Hezaran Kes’ Meşa Dirêj derxist manşeta xwe.
Rojnameyê di nûçeya xwe ya der barê mijarê de ev tişt nivîsand: “Piştî 23 sal revandina Abdullah Ocalan ji bo Mandellayê Kurdan daxwaza berdanê tê kirin.” Rojnameyê 4 rûpelên xwe ji dosyaya Meşa Dirêj re veqetand.
