Edîtorê Servîsê Erebkî yê Jinnewsî Suleyman Ahmet 25ê teşrîna verêne de hetê hêzanê PDKyî ra amebi remnayene û a roje ra nata tira xeberêke nêna girewtene. Rojnewsî Silêmanî de derheqê babete de eşkerayîyêke daye.
Eşkerayîye de ame parekerdene ke Suleyman Ahmet wexto ke Rojawanî ra agêrayêne Berê Sînorî yê Sêmalka de hetê PDKyî ra ameyo remnayene. Rojnewsî vist vîrî ke Asayîşê Dihokî yê PDKyî serebûtî ra dima îdîa kerdo ke yew eleqeyê Ahmetî bi rojnamegerîye çin o.
Rojnewsî vat: ”PDK seba ke serebûtî meşrû bikero îdîayanê bêeslîyan erzeno werte. Ma nê îdîayan red kenê. PDK verê rojnamegeran û çapemenîya azade de tewirê tersî şuxilneno û wazeno ke ceza bido Ahmetî. Wa PDK cade aqîbetê Suleyman Ahmetî eşkera bikero û embazê ma vera bido. Asayîşê ganê Ahmetî ra PDK mesuldar o.” SILÊMANÎ
