Roniştişê doza Hemserekê Pêroyî yê HDPyî yê verên Selahattîh Demîrtaşî do siba 19. Mehkemaya Cezaya Girane ya Anaqara de bêro vînayene. Yeno pawitene ke Demîrtaş bi rayîrê SEGBÎSî tewrê roniştişî bibo
Roniştişê doza Hemserekê Pêroyî yê Partîya Demokratîke ya Şaran (HDP) yê verên Selahattîh Demîrtaşî do siba 19. Mehkemaya Cezaya Girane ya Anaqara de bêro vînayene. Roniştiş do saet 10.00î de Kampusa Zîndanê Sîncanî de dest pêbikero. Yeno pawitene ke Demîrtaş Zîndanê Tîpa Fyî yê Edîrne ra bi rayîrê Sîstemê Veng û Dîmenî (SEGBÎS) tewrê roniştişî bibo.
Demîrtaşî rê bi îdîayê ‘Propagandeya rêxistine kerd’ û ‘Pesnê sûc û sûcdar dayo’ ra 142 serrî cezaya zîndanî yena waştene. Doza ke Amed de ameybî akerdene bi mehneya ‘asayîşî’ berdî Anqara.
Demîrtaş 4ê Teşrîna Peyêna 2016î ra nata na doze ra tepişte yo û roniştişo ke 2ê êlula 2019î de ame vînayene de qerarê serbest veradayîşê Demîrtaşî ame dayene. Labelê Demîrtaş nêame veradayene û hema zî zîndan de yo. ANQARA
