Roniştişanê Heqanê Merdiman ê 56. yê Neteweyanê Yewbîyayeyan (NY) ê ke 18ê hezîrane de dest pêkerd û heta 12ê temuze do dewam bikerê, Ofîsê NYyî yê Cenevre de dewam kenê.
Temsîlkarê Vera Nîjadperestîye Têgêrayîşê Dostîye yê Mabênê Şaran (MRAP) Gianfranco Fattorini bale ante tecrîdê serê Rayberê Şarê Kurdî Abdullah Ocalanî û caardişê qeyûmî ser.
Gianfranco Fattoriniyî ard ziwan ke seba ke Tirkîya û Kurdîstan de heqê merdiman bi hewayêkê sîstematîkî yenê binpaykerdene ê qisawet kenê û vat: ”Zextê dewleta tirke yê vera kurdan dewam keno. Heşaredarê kurdan bi hewayêkê keyfî wezîfe ra yenê dûrîfînayene, yenê tepiştene û herinda înan de qeyûm yeno cakerdene.”
Gianfranco Fattoriniyî bale ante tecrîdê serê Rayberê Şarê Kurdî Abdullah Ocalanî ser û vat: ”Birêz Abdullah Ocalano ke 25 serrî yo Zîndanê Îmraliyî de yo , hîrê serrî yo tira xebere nîna girewtene. Keye û avûkatê ci nêeşkenê ey bivînê. Ganî Konseya Heqanê Merdiman a NYyî heyetê xoser bişawo Îmraliyî.”
