20ê Temmuza 2015î de bi seyan kesî seba şîyayîşê Kobanê û piştîdayîşê domananê Kobanê bajaranê cîya-cîyan yê Tirkîya ra şî qezaya Pirsûsî ya Riha. Nê kesî wexto ke Merkezê Kulturî yê Amara de eşkerayî dayêne DAIŞ hêrişêko bombeyin pê ard û netîceyê teqayîşî de 33 ciwanê Federasyonê Komeleya Ciwananê Sosyalîstan (SGDF) ameybî qetilkerdene û bi seyan kesî zî birîndar bibî. Ronitişê 14. yê doza qetilkerdişê 33 ciwanan do ewro 5. Mehkemaya Cezaya Giran ya Riha de bêro vînayene. Heyetê mehkema Vîrusê Korona vera qerar da ke roniştiş bê avukatan pê bêro. Avukata keyeyan ra Serdil Îzol dîyar kerd ke Wezîrîya Edaletî astengî nêronaya avukatanê mexduran, la heyetê mehkema goreyê qeraran dano. Avukat Serdil seba taqîpkerdişê roniştişî şî edlîye. Yeno pawitene ke sucdarê qetlîyamî Yakup Şahin tewrê roniştişî bikerî. RIHA
