Danişîna doza 9 endamên Lijneya Weşanê ya rojnameya Ozgur Gundemê hate dîtin. Heyeta dadgehê ji bo ku dozger mutaalaya der barê dozê de amade bike, rûniştin taloqî 28’ê mijdara îsal kir
Di rûniştina doza Ozgur Gundemê ku ku nivîskar Asli Erdogan û Necmiye Alpay û parêzer Eren Keskîn têde tên darizandin, dozger ji bo mutalaa xwe ya derbarê esasê de amade bike, daxwaza demê kir.
Rûniştina 13’emîn a doza 9 endamên Lijneya Weşanê ya rojnameya Ozgur Gundemê ku nivîskar Asli Erdogan û Necmiye Alpay û parêzer Eren Keskîn jî di nav de ne, li 23’yemîn Dadgeha Cezayên Giran a Stenbolê hate dîtin. Hevgerînendaya Giştî ya Weşanê ya rojnameyê parêzer Eren Keskîn û endama Lijneya Weşanê nivîskar Necmiye Alpay û parêzerên dozê jî li rûniştinê amade bûn.
Di danişîna dozê de parêzer Erdal Dogan mafê axaftinê girt û anî ziman ku doz gelek dirêj bûye û beraeta herkesî xwest. Dogan diyar kir ku bi dozê azadiya nêrîn û ramanê tê darizandin.
Piştre jî dozgerê dozê çarçoveya dosyayê li ber çav girt û ji bo ku mutalaaya der barê esasê de amade bike, daxwaza demê kir.
Li ser daxwaza dozger, heyeta dadgehê ji bo amadekirina mutalaaya der barê esasê de biryar da ku dem ji dozger re bê dayîn û rûniştin taloqî 28’ê mijdara 2019’an kir. STENBOL
