Artêşa Rûsyayê bi daxuyaniyekê ragihand ku li Idlibê di navbera hêzên rejîma Sûriyeyê û komên çete yên girêdayî dewleta tirk de agirbest hatiye ragihandin
Arêşa Rûsyayê bi daxuyaniyeke nivîskî ragihand ku bi hewldana Rûsyayê, bi navbeynkariya Rûsya û dewleta tirk li herêma bê şer a Idlibê ji 12’ê hezîranê û şûnde agirbest ketiye meriyetê.
Di daxuyaniyê de ev tişt hatin gotin: “Di encamê de hate tespîtkirin ku di bombebaranên komên îlegal de kêmbûneke berbiçav pêk hatiye. “
Hêjayî bibîrxistinê ye ku serokê giştî yê AKP’ê Tayyî Erdogan duh bi daxuyaniyekê ragihand ku êdî mijara S-400’an bi dawî bûye û dê teqez bînin Tirkiyeyê. Balkêşe ku piştî vê daxuyaniyê Moskovê ragihand ku li Idlibê agirbest hatiye ragihandin.
Li herêma Idlibê di demên dawî de hema bêje her roj şer pêk dihat. Artêşa Sûriyeyê û tifaqa wê Rûsyayê ev demeke herêm bê navber bombebaran dikirin. Herêma Idlibê di destê çeteyên girêdayî dewleta tirk de ne. Hate ragihandin ku ji serê meha nîsanê û heta niha bi sedan kes mirine bi hezaran kes jî koçber bûne. MOSKOV
