Hêzên Rûs santrala herî mezin a nukleer Ewropayê ya li Ukraynayê, Zaporîzhzhya bi dest xistin. Santral li başûrê rojhilatê paytext Kîevê ye. Beriya ku santrala nukleer bikeve destê Rûsyayê, êrişeke hewayî li dijî wê çêbûbû û şewat lê derketibû. Kîevê Moskov bi ‘terora nukleer’ sûcdar kiribû.
Rêveberiya santrale têkildarî mijarê agahî parve kir û ev tişt aşkera kir: “Santral ji hêla hêzên çekdar ên Rûsyayê ve hatiye dagirkirin. Personelên operasyonê, blokên enerjiyê kontrol dikin û ji bo ewlehiya kargehê, li gorî hewcedariyên guherînên teknîk, dixebitin.”
Operasyona leşkerî 24’ê Sibatê dest pê kiribû. Aliyên şer pêncşemê li sînorê Belarûsê ji bo hevdîtinên cara duyan hatibûn cem hev. Li gorî rayedarên Ukraynî di hevditinê de ji bo derxistina sivîlan rêxistiniya ‘korîdora mirovî’ hatiye nîqaşkirin.
Serokkomarê Fransayê Emmanuel Macron eynî rojê bi Pûtîn û Zelenskî re bi telefonê axivî. Macron got, ”Ya herî xirab bi rê de ye.” Pûtîn got, di hevdîtinê de gotiye ew ‘biryardar’ in ku operasyonê bidomînin. Li gorî Macron armanc ew e ku tevahiya Ukrayna were kontrolkirin.
