Endamê Konseya Rayberdişî ya KCKyî Sabrî Okî derheqê Komployê 9ê Teşrîna verêne de AHFyî rê qisey kerd. Qiseykerdişê Okî ra qismêk wina yo:
“Hîrê serrî yo Rayber Apoyî ra xebere nîna girewtene. Hêzanê mîyanneteweyî ke komplo kerd, sîstemê Îmraliyî na ro, hema zî semedê komployî israr kenê. Yeno waştene ke wa qirkerdişê kurdan Îmrali de bêro tewmamkerdene. Îmrali de huqûq nê polîtîkaya qirkerdişî yena rayraberdene. Xora sîstemê Îmraliyî bi nê waştişî ame ronayene. Bi vatişê sûcê dîsîplînî pê ercanê kurdan bîyêqûnî kenê. Îmrali de caardişo zaf metodin û bêehleq est o. Demê peyênî de warê mîyanneteweyî de Rayber Apo zaf yeno wayîrvejîyayene. Eke dewleta tire Rayber Apoyî sey belayê seserranê peyênan vînena, ganî şar û sîyasetê kurdan Rayber Apoyî sey destkewteyê girdî yê tarîxî bivîn.
Kurdî bê Rayber Apoyî nêeşkenê ser bikewê. Ganî ma sey şar û têgêrayîşî semedê azadîya Rayber Apoyî bi ruhê seferberîye şirê prosesî ser. Bi nê komployî ame waştene ke Rayber Apo bêro bêtesîrkerdene û PKK bro tesfîyekerden la ê ser nêkewtî. Ê se kenê wa bikerê do meeşkerê PKKyî û têkoşînê şarê kurdî vindarnê. Dewleta tirke ya qirkere 9ê teşrîna verêne ya 2019î de vera Girê Sipî û Serêkanîye herekatê îşxalî da destpêkerdene. Bi wina mesaj yeno dayene, şexsê Rayber Apoyî de vera kurdan komplo dewam keno. Komloyê 9ê Teşîrna verêne serê şarê kurdî de sey kilicê Demoklesî têşîyena. Ganî şarê ma her cade vera komloyî têkoşînî xurtêr bikero. Ganî Vakurê Kurdîstanî û Tirkîya de vera komployî çalakîyê dahîna radîqalî bêrêkerdnee. Ganî cinî, ciwanî hewtî ra heta hewtayî her kes a roje komployê mîyanneteweyî protesto bikero. Wa hêzanê komplokeran ra hesab bêro persayene.
Tarîxê kurdan vetayo winayên; “Kurmê darê ne ji darê be,dar narize” est o. Başûrê Kurdîstanî de bi desan baregehê dewleta tirke ya qirkerde est ê. Her roje droneyê çekdar Rojawan û Başûrî danêbombayan ver. Xoza û însanê Kurdîstanî yenê qetilkerdene. PDK zî paştî dano dewleta tirke ya îşxalere. Eke paştayîşê PDKyî çînêbîn, heta nika dewleta tirke vera gerîlayan rewya binkewtbî. PDK dişmenî rê nefes dano girewtene. Sere de şarê ma yê Başûrê Kurdîstanî ganî heme kurdî ganî na raştîye bivînê û vera ci tewir bigêrê. Şarê kurdî hewceyê yewîya neteweyîye yo. Ma sey partîye na babete de tim berpirsîyarîya xo anê ca. Na çarçewe de ma do semedê pawitişê heme destkewteyanê xo têkoşînî xurtêr bikerê.” BEHDÎNAN
