Çarçeweya 19. Festîvala Kultur û Xoza ya Mûnzûrî ya Dêrsimî de şahîyê Bajarokê Perî ke do 2 rojan dewam bikerî dest pêkerd
Dêrsim de 3 rojî yo ke 19. Festîvala Kultur û Xoza ya Mûnzûrî ya Dêrsimî dewam kena. Çarçeweya festîvale de startê şahîyê Bajarokê Perî ke do 2 rojan dewam bikerî ame dayene. Çarçeweya şahî de Parka Şaredarîya Perî de do pêşandayîşê fotograf û enstrumanê verên yê ke berardişî de ameyêne ebetnayene yenî nîşndayene. Do stantê verê şaredarî de kitab, kelupelê dîyarî û berardişê kulturî yê şaredarî bêrî rotene.
Parlamenterê Partîya Demokratîke ya Şaran (HDP) Alîcan Onlu, Murat Çepnî, Kemal Bulbul, Hemşaredarê Perî Orhan Çelebî û Songul Dogan, Keyeyê Pirsûsî, temsîlkarê rêxistinê komelkî û xeylê hemwelatijî tewrê organîzasyonî bîyî. Qiseykerdişê akerdişî yê organîzasyonî Hemşaredar Çelebî û Dogane kerdî û qala xebatanê şaredarî kerdî.
Parlamanterê HDPyî Murat Çepnî û Alîcan Onluyî zî organîzasyon de qisey kerdî. Badê qiseykerdişan hemwelatijî pêşangeh zîyaret kerdî.
Roje bi organîzasyonê deyran dewam kerde. DÊRSIM
