Salih Muslim têkildarî agirbesta di navbera DYA û dewleta tirk axivî û got ku hêj bendên lihevkirinê nedîtine û dê helwesta xwe piştî lihevkirinê diyar bikin
Alîkarê serokê DYA’yê Mike Pence îro li dewleta tirk bi serokê giştî yê AKP’ê Tayyîp Erdogan re civiya. Piştî civînê jî bi daxuyaniyekê hate ragihandin ku ji bo rawestandina êrîşên li dijî rojavayê Kurdistanê li ser agirbestekê li hev kirine.
Têkildarî mijarê berpirsê Têkiliyên Derve yê Partiya Yekitiya Demokratîk (PYD) Salih Muslim ji Kanala El Erebiye El Hedes re hevdîtinek kir. Muslim di destpêka hevdîtinê de got ku Hêzên Sûriyeya Demokratîk (HSD) herêmên xwe parastin û ew mafê wan ê rewa ye.
Der barê mijara agirbestê de jî Muslim wiha got: “Me hêj bendên lihevkirinê nedîtine. Rêveberiya me û hêzên me yên leşkerî hene. Helwesta me dê piştî dîtina bendên lihevkirinê diyar bibe.”
