Şandeyeke ji rayedarên Wezîrtiya Koç û Penaber a Iraqê û ewlekariya Iraqê pêk tê, serdana Wargeha Mexmûrê ya rastî êrîşa dewleta tirk a dagirker hatibû, kir. Şande li Ofîsa Neteweyên Yekbûyî (NY) bi rayedarên kampê re hatin gelhev û guhdarî pirsgirêkên gel kir.
Endamên şandeyên ragihadin ku ji bo lêkolînkirina êrîşê, pirsgirêkên li kampê û peydakirina rêyên çareseriyê wan ev serdan kirine.
Şandeyê soz da ku wê van daxwazên xelkê kampê parve bike û wiha got: “Ji bo çareseriya pirsgirêkan, ji bo pêşîgirtina li êrîşan, ji bo ewlehiyê em ê hewl bidin. Alîkariya mirovî jî di nav de di gelek mijaran de em ê bibin alîkar.”
Di heman demê de, şandeyê li kampê serdana çend malbatan kir, guh da fikarên şêniyên kampê û li cihê êrîşa ku 5’ê hezîranê pêk hatibû, lêkolîn kir. Şandeyê ragihand ku beriya vegere Bexdayê dê serdanên xwe dewam bikin û alîkariya pêwîst bi kampê re bikin.
Piştî serdan û hevdîtinan, şande vegeriya Bexdayê. MEXMÛR
