Şandeya Kongreya Civaka Demokratîk (HDK) çû serdana sersaxiya Servet Tûrgût ê ji helîkopterê hatibû avêtin û jiyana xwe ji dest da. Hevberdevka HDK’ê Îdîl Ûgûrlû jî di nav de şande serdana sersaxiyê ya li Mêrsînê ji bo Tûrgût hatiye danîn kir. Nûnerên partiyên siyasî û saziyên sivîl jî di nava şandeyê de cih girtin.
Şande ewilî çû serdana Osman Şîban ku ew jî li gel Tûrgût ji helîkopterê hatibû avêtin û têkildarî rewşa Şîban de agahî girtin. Şîban li mala xwe ya li Mêrsînê tê dermankirin û hêj hişê wî ne li serê wî ye.
Şande pişt re derbasî sersaxiya Tûrgût a li Taxa Halê ya li navçeya Akdenîzê bû. Hevberdevka HDK’ê Îdîl Ûgûrlû di şînê de axivî û got ku tiştên îro diqewimin bûyerên salên 90’î tîne bîra wan.
Ûgûrlû destnîşan kir ku avêtina her du welatiyan a ji helîkopterê ‘hovîtî û îşkence ye’ û wiha got: “Ev li kîjan devera dinyayê dibe bila bibe sûcê mirovahiyê ye. Divê em mil bidin milê hev û li dijî van hovîtiyan derkevin. Îşkenceya li Servet Tûrgût û Osman Şîban hatiye kirin di heman demê de em îşkenceyek li ser xwe dibînin. Dixwazim me bi îşkenceyê bi edeb bikin. Lê em ê bîat nekin.” MÊRSÎN
