Şandeya jinên herêma Baskê ya Spanyayê serdana navenda Rêveberiya Xweser a Bakur û Rojhilatê Sûriyeyê kir da ku tecrubeya jinan û rola wan di saziyên sivîl de bibînin û tecrubeya wan bibin herêmên xwe
Şandeya jinên herêma Baskê ya Spanyayê serdana navenda Rêveberiya Xweser a Bakur û Rojhilatê Sûriyeyê kir
Hevseroka Meclisa Rêveber a Rêveberiya Xweser a Bakur û Rojhilatê Sûriyeyê Bêrîvan Xalid, cîgirên hevserokatiyê Rohilat Arif, Ilîzebêt Gewriyê û hevseroka Buroya Têkiliyên Derve Emel Dadê pêşwaziya şandeya jinên herêma Baskê li navenda xwe ya li Eyn Îsayê kir.
Hevseroka meclisa rêveber û cîgirên wê li ser destkeftiyên jinan di şoreşa Rojava de û rola wan di rêveberiya sivîl û karê wan ê ji bo xizmeta civakê de axivîn. Hevserokatiya Meclisa Rêveber ji şandeyê re li ser tevgerên jinan li herêmên rêveberiya xweser û rola wan di civakê de û di hemû aliyên jiyanê de, ji şandeyê re şîrove kir.
Jinên ku serdan kir jî piştgiriya xwe ji projeya rêveberiya xweser re diyar kir û destnîşan kir ku ew ê tecrubeya li herêmên rêveberiya xweser bibin herêma Baskê û dest bi pêkanîna wê bikin. GIRÊ SPÎ
