Şandeyeke ji rojavayê Kurdistanê ji bo sersaxiyê ji malbata Diyar Xerîb bixwazin, derbasî başûrê Kurdistanê bû. Di merasîma sersaxiyê de hat gotin ku dê heta dawiyê li ser şopa Xerîb têkoşîna xwe bimeşînin
Şandeyeke ji rojavayê Kurdistanê ku ji hevserokên Tevgera Civaka Demokratîk (TEV-DEM), hevserokên Partiya Yekitiya Demokratîk (PYD) û nûnerên kantona Qamişloyê pêk dihat, ji bo sersaxiyê bidin malbata endamê Konseya Serokatiya Giştî ya KCK’ê Diyar Xerîb (Helmet) , derbasî başûrê Kurdistanê bû.
Şandeyê di serdanê de sersaxî ji malbata Xerîb xwest û soza dan ku dê armancên Xerîb pêk bînin û li ser şopa wî bimeşin. Di heman demê de hevseroka Desteya Malbatên Şehîdan Welîde Botî jî peyama ku ji aliyê Kongreya Star ve hatibû şandin da dayika Diyar Xerîb.
Hêjayî gotinê ye ku piştî ku Diyar Xerîb jiyana xwe ji dest da, tevî başûrê Kurdistanê di heman demê de li bajarên weke Dêrik, Qamişlo, Kobanê û gelek bajarên rojavayê Kurdistanê jî merasîmên sersaxiyê hatin lidarxistin. SILÊMANÎ
