Navenda Nûçeyan
Şandeya Dîplomasî ya Şingalê ku ji nûnerên PADÊ, TAJÊ û encûmena Eşayîrî ya Şingalê pêktê, li Silêmaniyê ye. Şande derbarê rewşa Şingal û gefên dewleta tirk ên li ser Şingalê de li gel Komîsyona Alîkariya Iraqê ya Girêdayî Neteweyên Yekbûyî (UNAMI) û Yekgirtûya Îslamiya Kurdistanê civiya.
Şandeya Dîplomasî ya Şingalê ku ji nûnerên PADÊ, TAJÊ û encûmena Eşayîrî ya Şingalê pêktê, serdana Silêmaniyê kir. Şande bi awayek cûda cûda li gel her yek ji UNAMI û Hizba Yekgirtiya Îslamiya Kurdistanê civiya.
Şande destpêkê li encûmena Parêzgeha Silêmaniyê li gel UNAMI civiya. Piştre jî serdana baregeha Yekgirtiya Îslamî ya Kurdistanê kir.
Di derbarê naveroka civînan de Nûnerê PADÊ yê Silêmaniyê Silêman Şingalî, daxuyaniyek da çapemeniyê û got; “Armanca şandeyê ewe deng û daxwazên êzidiyan ên li ser lihevkirina Hewlêr-Bexda ya li ser Şingalê û gefên dewleta tirk ên li ser Şingalê, bigîne aliyên cûda.”
