Şaneyeke veşartî ya çeteyên DAIŞ’ê ji bo alîkariya bi dewleta tirk re li gundê Um El Xêr ê Serêkaniyê êrîş kir. Li ser bersivdayîna hêzên asayîşê, 4 çete hatin kuştin
Şaneyên veşartî yên çeteyên DAIŞ’ê bi destpêkirina êrîşa dagirkeriyê ya dewleta tirk re ketin nava liv û tevgerê. Çeteyên ku li gorî fermana dewleta tirk tevdigerin di serî de li Reqayê, li gelek deverên din ên rojavayê Kurdistanê ketin nava tevgerê. Çeteyên ku dixwazin li hundir derb li şervanan bidin û rê li ber dagirkeriyê vekin, rastî bersivên tund hatin.
Li gorî agahiyên ji herêmê, hêzên artêşa tirk a dagirker û çeteyên wê hewl dan ku li eniya Til Helef û Elûke bikevin Serêkaniyê. Lê hewldana dagirkeran hate têkbirin. Bi awayeke hemwext jî şaneyeke çeteyên DAIŞ’ê ya li gundê Um El Xêr ê li başûrê Serêkaniyê jî êrîşî sivîlan kir.
Li ser mudaxaleya hêzên asayîşê, di navbera hêzên asayîşê û komên çete de şer derket. Di encama pevçûnan de heta niha 4 çete hatine kuştin. SERÊKANIYÊ
