Cenzaya cinîya kurde ya şorişgêre Aysel Dogane bajarê Kolnî yê Almanya ra bi rayîrê hewayî ameye ardene Amed. Cenaza hetê Hemsereka Partîya Herêmê Demokratîkî (DBP) Salîha Aydeniz, Vervatoxa Partîya Demokratîke ya Şaran (HDP) Ebru Gunay, wekîlanê herême, atkvîstanê Tevgerê Cinîyanê Azadan (TJA), merdimanê Dogane û xeylêk kesan ra bi slogana ”Şehîdî Nêmirenî” ameye verwazîkerdene û şawîyaye Dêrsimî.
Dêrsimîjî zî Pirdê Seyîdlî yê Mazgêrdî de ameyî vera cenaza. Konvoyê cenazaya Dogane rayîr de xeylêk rey nuqtayanê kontrolî de ameye vindarneye. Polîsan nuqtaya dekewtişê taxa Turişmekî de verê wesayîtê cenaza girewt û destûr nêda ke cenaza bêra berdene keyeyê Dogane yê taxa Gazîkî. Polîs kenê ke cenaza Goristanê Asrî de bêro definkerdene. Naye sero bi seyan kesan nuqtaya kontrolî de dest pê çalakîya roniştişî kerde. Polîsî pê tomayan hêrişî şarî kenê. La rixmê hêrişê polîsan şar qerardar wayîrê cenazaya Aysele Dogan vejîyeno. DÊRSIM
