Amed de şar bi slogananê vera tecrîdî verê xo da meydanê Newroze. Kuçeyê Amedî bi sloganan û tîlîlîyan zimenê
Newroze Amedî ya ke bi heyecanê girdî yena pawetene saetanê sibayî yê rewî de Parka Newroze ya Baglarî de dest pêkerde.
Newroze Amedî ya ke hetê Partîya Şaran a Demokratîke (HDP) ra ameye organîzekerdene, emser bi sloganê ‘Ma do miheqeq ser bikewê, tecrîdî bişiknê‘ yena viraştene. Amed û bajaranê dormeyî ra şar bi tilîlîî, slogan û deyîran verê xo dayo meydanê Newroze. Goristanê Yenîkoy, Kuçeyê EvrîmAlataşe û Yenî Hal rayraşîyayîşî yenê viraştene. Wendekaran mektebî boykot kerdî û cinîyî bi kincanê xo yê herêmîyan balê ancenê xo ser. Kuçeyanê Amedî de slognanê sey ‚ ‘Leyla Guvene anorê ma ya’, ‘Zulkuf Gezen bê merg o’ bênê berz.
Newroz de hemserekê Pêroyê KCD’yî Berdan Ozturtk, hemsereka Pêroyê HDP’yî Pervîn Buldane, hemserekê Pêroyê DBP’yî Mehmet Aslan û temsîlkarê partîyanê sîyasîyan do qisey bikerê. Reyna do mesajê Leyla Guvene yê Newroze bêro wendene. Hunermende sey Bajar, Koma Pel û Pinar Aydinlare zî bi deyîranê xo do rengê xo bidê Şayîya Newroze. AMED
