Esnafo bi nameyê Adem Çetînî ke merkezê sûke de dikanê ci esto ekîbê mudirîya zabitayan reyde problem cuya û derheqê babete de muracatê selahîyetdaran kerd. Çetînî da zanayene ke hetkarê Serekê Şaredarîya AKPyî Ahmet Altunhanî ci rê vato ‘Fikrê şar muhîm nîyo, fikrê ma muhîm o’
Çetînî qala qewimîyayîşê hedîse kerd û va: “Bi serran o veristîkerdişê dikanê mi esto. Ma her hamnanî seba ke çîyê verê vîtrînî tije ra zirar nêvînî veristî virazenî. Çend rojî verê ekîbê zabitayan ame û vatî ‘ganî şima wedarnî.’ Ame vatene ke vînayîşê dorme xira beno. Ez bi serran o tîya de esnafî kena. Têkilîya mi, esnafê dorme û hemwelatîyê dorme zaf baş a. Badê hedîse mi dorme û esnafan rê qala rewşe kerd û kesêk daxî na rewşe ra aciz nêbî. Kesêk daxî mehneya şaredarî tesdîq nêkerd.”
Şaredarîye çîyo ke problem nîyo kerda probleme
Çetînî qiseykerdişê xo yê peyênan de wina va: “Mi heme merdimanê bîna ra derheqê razîbîyayîşê înan de îmze arê da. Ez tewrê nê îmzayan şîya şaredarî. Hetkarê Serekê Şaredarîya AKPyî Ahmet Altunhanî mi rê va ‘Fikrê şar muhîm nîyo, fikrê ma muhîm o.’ Bi nê vatişan fikrê xo yê esas eşkera kerd. Çewlîg de hende problem estî, la şaredarîye çîyo ke problem nîyo kerda probleme û aye reyde eleqedar bena.” ÇEWLÎG
