Wezareta karên hundir a dewleta tirk qeyûm tayînî şaredariyên HDP’ê yên Stewr, Dêrik û Şemrex ên Mêrdînê û Şaredariya Pirsûs a Rihayê kirin û şaredarî xesp kirin
Wezareta karên hundir a dewlet tirk qeyûm tayînî şaredariyên Partiya Demokratîk a Gelan (HDP) ên Stewr, Dêrik û Şemrex ên Mêrdînê û Şaredariya Pirsûs a Rihayê kirin. Qeymeqamên navçeyan weke qeyûm hatin peywirdarkirin.
Hevşaredara Stewrê Gulîstan Oncu, hevşaredara Şemrexê Nalan Ozaydin, hevşaredar Dêrikê Mulkiye Esmez û hevşaredara Şaredariya Pirsûsê Hatîce Çevîk duh hatibûn binçavkirin û îro jî bi tayînkirina qeyûman re ji peywirê hatin girtin. Hevşaredarên navçeyên Mêrdînê li Midûriyeta Polîsan a Mêrdînê hêj di binçavan de ne.
Di heman demê de wezareta karên hundir hevşaredara Şaredariya Pirsûsê Hatîce Çevîk ku duh binçav kiribû jî ji peywirê girt û li şûna wê qeymeqamê navçeyê weke qeyûm tayîn kir.
Bi vê yekê re hejmara şaredariyên HDP’ê yên qeyûm lê hatine tayînkirin derket 24’an. MÊRDÎN – RIHA
