Înîsîyatîfê Şarî yê Rojawanî 9ê sibate de seba azadîya Rayberê Şarê Kurdî Abdullah Ocalanî kampanyaya îmzayan dabî destpêkerdene. Çarçewa kampanya de heta nika 3 milyon û 669 hezar û 90 îmzayî arê dîyayî.
Înîsîyatîfî derheqê doneyanê kampanya de eşkerayîyêke daye. Endama Înîsîyatîfî Aynure Paşa eşkerayîye wende. Paşa da zanayene ke kampanya serrgêra Komployê 9ê Sibate de dîyabî destpêkerdene û rojbîyayîşê Ocalanî 4ê Nîsane de zî qedîyaya.
Paşa îfade kerd ke şarê Rojawanî bi îmzayanê xo cewabê komplogeran zî dayo û israrê xo yê seba azadîya Rayberê Şarê Kurdî eşkera kerdo.
Eşkerayîye de wina ame vatene: ”Ganî Konseya Yewîya Ewropa, rêxistinê mîyanneteweyîyî seba wedarîyayîşê tecrîdî û seba caardişê azadîya Rayber Apoyî rolanê xo bîyarê ca.”
Doneyê kampanyaya îmzayan wina yê:
Minbic: 711,180
Reqa: 701,845
Qamişlo: 625,343
Hesekê: 603,800
Dêrezor: 337,70
Tebqa: 281,332
Firat: 134,570
Heleb: 103,857
Efrîn û Şehba: 51,212
Sûrîye: Şam, Heleb, Laziqiye, Suweyda, Quneytera, Selamiye, Tertûs, Hama, Hums: 6,243
