Ewro serê sibayî çarçewaya cipersayîşê Serdozgerîya Komare ya Amedî de polîsan eşt serê keyeyê xeylê rojnamegeran. Netîceyê sereştîşî de Mudura ajansê ma Safîye Alagaş, edîtora ma Gulşen Koçuk, Hemserekê Komeleya Rojnamegerê Dîcle Firatî (DFG) Serdar Altan, edîtorê Ajansa Mezopotamyayî (MA) Azîz Oruç, rojnameger Omer Çelîk, Suat Doguhan, Ramazan Gecîken, Esmer Tunç, Neşe Toprak, Zeynel Abîdîn Bulut, Dogan Guler, Mehmet Şahîn, Elîf Ungur, Îbrahîm Koyuncu, Remziye Temel û Mehmet Yalçin ameyî destbendkerdiş. Feynaz Koçuk zî çarçewaya eynî cipersayîşî de Stenbol de ame destbendkerdiş.
Seba dosyaya rojnamegerê ke ameyê destbendkerdiş qerarê bisînorkerdişî ame dayîş. Avûkatan qerarê dadgehe waştî labelê bi bahaneyê “cigêrayîş û destbendkerdiş dewam de yê”, no waştiş ame redkerdiş.
