Hêzanê Kede û Demokrasî yê Îzmîrî û dezgehanê elewîyan serrgêra 30. ya Qirkerdişê Madimakî de Alsancak de eşkerayîye daye.
Eşkerayîye de pankarta ‘Her ca Madimak o, her ca vêşeno. Ma xo vîr a nêkerd û nêkerê’ ameye akerdene û sloganê sey ‘Ma nêbê elewîyê dewlete’ û ‘Sêwas xo vîr a nêkeno’ ame vatene. Wekîla Partîya Çep a Keske ya Îzmîrî Burcugule Çubuk zî tewra eşkerayîye bîyê.
Berpirsa Elewîyanê Bektaşîyan a Ege Gulbahare Kaplan eşkerayîye wende û ard ziwan ke Madimak 30 serrî yo vêşeno û vist vîrî ke dewlete hema zî nê qirkerdişî de têrî nêbîya. Kaplane waşt ke wa qirkerî bêrê cezakerdene û Otêla Madimakî biba muze.
Kaplane da zanayene ke yeno waştene ke bi bahaneya ‘wext vîyarto’ dewaya vera Qirkerdişê Madimakî bêra betalkerdene û vat: “Nêbeno ke na dewa bikewa. Ma vera ney 2yê temmuze de Sêwas de bibê.” ÎZMÎR
