Goreyê xebera Ajansê Mezopotamya (MA) ciwanê bi namayê Bariş Çakanî (20) yo ke qezaya Patnosî ya Agirî ra bi, wexto ke muzîkê kurdkî goştarî kerdêne saete 22.30î de taxa Alsancakî ya qezaya Etîmesgutî ya Anqara de zerrîya xo ra ame kardkerdene û dinyaya xo bedilnaye.
Goreyê zanayîşanê ke keyeyî ra ameyî girewtene, Çakan seba ke şoro parke ke embazan xo reyde ronişo, rayîr de muzîkê kurdkî goştarî keno û koma bi 3 kesan hêrişê ci kena. Ame zanayene ke kesê ke hêrişê Çakan û embazanê ci kerdî nufusê Yozgat, Kirikkale û Tokatî de qeydkerde yê. Derheqê nasnameyê sûcdaran de zanayîşêk nêame destvistene.
Netîceya hêrişî de Çakan zerrîya xo ra birîndar bîye û cayê serebûtî de dinyaya xo bedilnaye. Ame zanayene ke 3 hêrişkerî zî serebûtî ra dima ameyî destbend kerdene. Dogan Çakanî da zanayene ke cenazaya dezayê ci ewro do bêra definkerdene û pare kerd ke ê wextêk reyna seba ke muzîkê kurdkî goştarî kerdêne bîyî hedefê hêrişan. ANQARA
