Amed de muracato ke seba mîtîngê ‘Seba aştîya bi rumet çareserîya demokratîke’ yê 1ê êlule ame kerdene, ame qebûlkerdene
Partîya Demokratîke ya Şaran (HDP) û rêxistinê komelkî ameyî peynîya xebatanê xo yê mîtîngê 1ê Êlule yê Roja Aştîye ya Dinya û seba destûrdayîşê mîtîngî muracatê Walîtîya Amedî kerdî. Walîtî cewab da muracatê HDPyî û destûr da viraştişê mîtîngî. Mîtîngo ke bi siloganê ‘Seba aştîya bi rumet çareserîya demokratîke’ Raşteyê Îstasyonî yê Amedî de yeno viraştene do saet 15.00î de dest pêbikero. Yeno pawitene ke tewrbîyayîşêko gird bibo û do Hemserekê Pêroyî yê HDPyî Sezaî Temellî, Hemverfekê Kongreya Demokratîke ya Şaran (HDK) Gulîstan Koçyîgît, Hetgira Serekê Pêroyî yê Partîya Sosyalîstanê Bindeste (ESP) Beycan Taşkiran û Dayîka Aştîye Naîfe Yîgîte tewrê mîtîngî bibî. AMED
