DEM Partî seba ke namzetanê Şaredarîya Pîle ya Amedî dîyar bikera ewro verweçînayîşan kena. Seba namzetîya Hemşaredaranê Şaristanê Pîlî yê Amedî 17 vernamzetî est ê. Serê sibayî ra nata pêro qezayanê Amedî de bi hezaran delegeyan dest pê raydayîşî kerd.
Delegeyê xeylêk qezayan seba turê diyînî yê şaredarîyanê qezayan zî ray danê.
Qezayanê Şankuş, Çêrmûge û Gêle de seba vernamzetanê Şaredarîya Amedî rayî dîyenê. Qezayanê bînan de zî turê diyînî verweçînayîşî yenê kerdene.
Cayê ke tede rayî dîyenê wina yê:
* Peyas: Salona Dawetî ya Zîrve
* Bajarê Nû: Salona Dawetî ya Kaplan
* Bismil: Salona Dawetî ya Firatê
* Rezan: Salona Dawetî ya Şolen
* Sûr: Salona Dawetî ya Nîlgun
* Erxenî: Salona Dawetî ya Karakûş
* Farqîn: Salona Dawetî ya Dîlan
* Qezayanê bînan de bînayanê DEM Partî de sindoqî ronîyayî. AMED
