250 avûkatê Baroya Îzmîrî ke badê qerarê newekerdişê weçînayîşê Stenbolî dest bi Nobeta Edalet û Demokrasîye kerdî, seba pawitişê weçînayîşî do Îzmîrî ra şêrî Stenbol
Baroya Îzmîrî ke badê qerarê Heyetê Weçînayîşî yê Berzî (YSK) yê betalkerdişê weçînayîşê Stenbolî û newekerdişê weçînayîşî dest bi Nobeta Edalet û Demokrasîye kerdbî nobeta xo peynî kerd.
Hetgirê Serekê Baroya Îzmîrî Ozgur Yilmazerî nobetê verê awanîya Baroya Îzmîrî yê semtê Alsancakî yê qezaya Konakî de qisey kerd û bale ant muhîmîya pawitişê weçînayîşî ser û wina va: “Ma seba wayîrvejîyayîşê sindoqan perwerde viraşt. Ma seba pawitişê weçînayîşî 250 avûkatan do bierşawî Stenbol. Hewl dayî de wisarê ma destê ma ra bigêrî, la bawerîya ma bi ameyîşê hamnanî esta. Ma do zî sey heme rêxistinanê demokratîkan Stenbol de bibî. Ma nobeta xo ya demokrasî peynî kenî. La ma umid kenî ke rojê demokrasî peynîya nê nobetan de bibî.” ÎZMÎR
